Annotation

Сона Ван е родена (како Тер-Ованисјан) на 8 февруари 1952 година во Ереван, Ерменија. Таа е американски поет и есеист, која живее во Лос Анџелес. Нејзини книги се преведени на девет јазици. Најзначајно дело ѝ е „Либрето за пустината“ (со песни, посветени на жртвите на геноцидот и војната), добитник на многу национални и меѓународни награди. Во 2013 година од претседателот на Република Ерменија ја добива наградата "Мовсес Хоренаци". Добива златен медал од Ерменското министерство за култура, и златен медал од Ерменското министерство за дијаспора. Исто така Сона Ван го добива и медалот на Меѓународниот фестивал „Златен абрикос“, а во 2018 година ѝ е доделен Европскиот медал за поезија и уметност „Хомер“. Во 2017 година ја добива меѓународната награда „Клеменс Јаницки“ во Полска.